مدرسه عقبه بن نافع الثانويه المشتركه بجر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اهلا بكم اعزائى واصدقائى بمدرسه عقبه بن نافع مرحبا


2 مشترك

    شعر فى حب مصر

    Nour Allah
    Nour Allah


    عدد المساهمات : 132
    نقاط : 261
    تاريخ التسجيل : 10/02/2011
    العمر : 28
    الموقع : https://www.facebook.com/home.php

    شعر فى حب مصر Empty شعر فى حب مصر

    مُساهمة  Nour Allah السبت فبراير 12, 2011 12:17 am



    شعر فى حب مصر

    بَحِبِّكْ يا مصرْ ..

    وبعشقْ ترابكْ .

    وألِفْ المداينْ ..

    وأرْجعْ لبابِكْ .

    وأحِسْ بكيانى ..

    وكرامتى فْ رحابِكْ .

    يقولوا فقيره ..

    يقولوا أسيره ..

    بشوفِكْ أميره ..

    وأحبِّكْ يا مصرْ .



    بحبِّكْ ملايه .. ومنديلْ بِقُويا .

    مقالبْ من أختى .. وغتَاته مْنْ أخويا .

    ودعوه مِنْ أمى .. تنسينى همِّى ..

    وحِكْمَه مْنْ أبويا.

    وأحبِّكْ صبيِّه .. على البحرْ جايَّه ..

    فى ساعةْ عصَارى .

    ونسمه قُبَالْها .. تطيَّرْ فى شالْها ..

    تبَيِّنْ جمالها .. وتِرجعْ تدارى .

    وأحبِّكْ مراكبْ .. تعدِّى إللِّى راكبْ ..

    لبرْ الأمانْ .

    يدوبْ جوَّا نيلكْ .. ويعطشْ يجيلكْ ..

    يقوللِّكْ كمانْ .



    وأقابلِكْ ببُوسه .. فى زفِّةْ عروسه ..

    ولَمَّه فى بيتنا ..

    مع ولادْ حارتْنا ..

    تدُقْ المزاهرْ .. ترُدْ المزامرْ ..

    تزَغْردْ جارتْنا .

    نهلِّلْ .. نغنى ..

    وحلمْ التمنِّى ..

    ينورْ ليليتنا .

    وأحبِّك زياره لبيتْ عمْ سيدْ ..

    ده أصله فقير مِشْ حيقْدرْ يعَيِّدْ ..

    نعَيِّدْ عليه .. نفرَّحْ عنِيهْ ..

    ويدعيلْنا دعوه بمليونْ جنيه .



    فى أرضِكْ يحِسْ الغريبْ إنُّه مصرى ..

    وإحنا الأجانبْ .

    ويلْقَى الرعايهْ .. ويلْقَى الحمايهْ ..

    على كلْ جانبْ .

    ويمشى ف ربوعِكْ .. ويشبعْ بجوعِكْ ..

    ويعملْ مصايبْ .

    ويرحلْ وينسى .. جِميلِكْ ويقْسَى ..

    ويطْلَعْ يعايبْ .

    ويرْجعْ تسامْحى .. يا ساكنه فْ ملامحى ..

    يا سِتْ الحبايبْ .



    ولادِكْ بَنُوكى .. بروحْهُمْ فَدُوكى ..

    ويِشْهدْ عليهمْ ترابكْ فى سينا .

    ومنهُمْ با عوكى .. عشانْ الشِيروكِى ..

    وفيللَّا فْ مارينا .

    يعيشوا فى خيرِكْ .. ويدُّوهْ لغيركْ ..

    ولادْ اللَّذِينا .

    ولوْ جارْ زمانْهمْ .. يعودُوا لْمكانهمْ ..

    يلاقوا السَكينَهْ .

    وتِنْسِى جحودْهمْ .. وتبكى عليهمْ ..

    عنيكى الحزينهْ .



    فى أرضكْ سرَحْتْ .. فشَلْتْ ونَجَحْتْ ..

    وعشْتْ بْبساطَهْ .

    صاحِبتْ الحمَامْ .. ونِمْتْ فْ سلامْ ..

    ولوَْ عَ البلاطهْ .

    تِغَيَّرْ فى شَكلى ..همومى ومشَاكْلى ..

    لكِنْ روحى لأْ .

    أعَبَّرْ بغنْوهْ .. وأقولْ نُكتهْ حلوهْ ..

    لكِنْ يأسْ لأْ .

    ما طيقْشْ الغَتاتهْ ..

    وقلبى المسالمْ ما يعرفْ شّماتهْ ..

    وأقولْ بالتلاتهْ ..

    بحبِّكْ .. بحبِّكْ .. بحبِّكْ .. يا مصرْ
    محمود دباح (حودة)
    محمود دباح (حودة)
    Admin


    عدد المساهمات : 110
    نقاط : 195
    تاريخ التسجيل : 10/02/2011
    العمر : 28
    الموقع : https://3kobabnnaf3.forumegypt.net

    شعر فى حب مصر Empty رد: شعر فى حب مصر

    مُساهمة  محمود دباح (حودة) الثلاثاء فبراير 15, 2011 3:45 am

    ممتاز وتسلم ايدك

    مع تحياتى

    محمود دباح king
    Nour Allah
    Nour Allah


    عدد المساهمات : 132
    نقاط : 261
    تاريخ التسجيل : 10/02/2011
    العمر : 28
    الموقع : https://www.facebook.com/home.php

    شعر فى حب مصر Empty رد: شعر فى حب مصر

    مُساهمة  Nour Allah الخميس فبراير 17, 2011 12:34 am

    شكراا خالص ليك
    اسعدنى مرورك الكريم
    محمود دباح (حودة)
    محمود دباح (حودة)
    Admin


    عدد المساهمات : 110
    نقاط : 195
    تاريخ التسجيل : 10/02/2011
    العمر : 28
    الموقع : https://3kobabnnaf3.forumegypt.net

    شعر فى حب مصر Empty رد: شعر فى حب مصر

    مُساهمة  محمود دباح (حودة) الخميس فبراير 17, 2011 1:49 am

    الله يخليكى



    مع تحياتى

    farao محمود دباحking

      الوقت/التاريخ الآن هو الجمعة مارس 29, 2024 10:27 am