اهلا بكم اعزائى واصدقائى بمدرسه عقبه بن نافع مرحبا


    .................. فى الميكروباص

    شاطر
    avatar
    Nour Allah

    عدد المساهمات : 132
    نقاط : 261
    تاريخ التسجيل : 10/02/2011
    العمر : 22
    الموقع : http://www.facebook.com/home.php

    .................. فى الميكروباص

    مُساهمة  Nour Allah في الأربعاء مايو 25, 2011 11:23 pm

    .................. فى الميكروباص


    طبعا وانتا بتوقف الميكروباص وياسلام لو مافيش مكان


    لو انت بنت يادوب تبصي بس بصه استعطاف لأي بأف قاعد هايقوم ينط يعد في ضهر السواق عشان تعدي


    انما بقا لو انت ولد شوفلك اي حتة اترزع فيها او انشالله تتشعلق ما أنت اساسا مالكش أهل يخافو ا عليك




    ثانيا :-


    طبعا وانت طالع كتير مننا ممكن يخبط راسه في الباب


    طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
    تلاقي اللي ممكن يقوم يضرب السواق


    انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا





    ثالثا :-


    وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو



    طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد


    وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل




    .... ولو قفلت الباب بالجامد بقا


    لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه


    انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب




    رابعا :-


    طبعا ممكن يجيلك تليفون وانتا قاعد في الميكروباص


    لو انتي بنت وانتي بتقولي الو ياسلااااام الله يا جماعه على صوتها شوفوا الرقة يابخته المحظوظ اللي بيكلمك ولو معاها موبايل معفن ياسلام ع التواضع


    انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه





    خامسا :-


    لو انت بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل



    طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)


    انما لو ولد هاتلاقي السواق من غير ما يرد عليك يادوب يبصلك بصه بقرف ويلف وشه تاني ويعلي الصوت كمان ويفضل يبرطم بقا انت هاتشترينا بأم النص جنيه اللي هاتدفعه





    سادسا :-


    طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره


    طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات



    انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها
    هاتلاقي بقيت الاربعتاشر نفر اللي قاعدين في الميكروباص بصوت واحد بيقولوا للسواق على جنب ..... انت اطرش ؟؟؟






    avatar
    محمود دباح (حودة)
    Admin

    عدد المساهمات : 110
    نقاط : 195
    تاريخ التسجيل : 10/02/2011
    العمر : 21
    الموقع : http://3kobabnnaf3.forumegypt.net

    رد: .................. فى الميكروباص

    مُساهمة  محمود دباح (حودة) في الخميس مايو 26, 2011 12:12 pm

    لالالالالالالالالالالالالالالالالالالالالالالالالالا مش عجبنى كدا خالص


    مع تحياتى

    king محمود دباح farao
    avatar
    Nour Allah

    عدد المساهمات : 132
    نقاط : 261
    تاريخ التسجيل : 10/02/2011
    العمر : 22
    الموقع : http://www.facebook.com/home.php

    رد: .................. فى الميكروباص

    مُساهمة  Nour Allah في الجمعة مايو 27, 2011 12:02 am

    البنات ديما بتاخد حقها cheers

    ميرسى على التعليق

      الوقت/التاريخ الآن هو السبت أكتوبر 21, 2017 8:36 am